Surah At-Takwir سُورَةُ التَّكۡوِيرِ
Surah 81 of the Holy Quran — “The Overthrowing” — in Arabic with Tamil translation by Jan Trust Foundation. Read online or save as PDF.
بِسْمِ ٱللَّهِ ٱلرَّحْمَٰنِ ٱلرَّحِيمِ
إِذَا ٱلشَّمْسُ كُوِّرَتْ1
சூரியன் (ஒளியில்லாததாகச்) சுருட்டப்படும் போது
وَإِذَا ٱلنُّجُومُ ٱنكَدَرَتْ2
நட்சத்திரங்கள் (ஒளியிழந்து) உதிர்ந்து விழும்போது-
وَإِذَا ٱلْجِبَالُ سُيِّرَتْ3
மலைகள் பெயர்க்கப்படும் போது-
وَإِذَا ٱلْعِشَارُ عُطِّلَتْ4
சூல் நிறைந்த ஒட்டகைகள் (கவனிப்பாரற்று) விடப்படும் போது-
وَإِذَا ٱلْوُحُوشُ حُشِرَتْ5
காட்டு மிருகங்கள் (மனிதர்களுடனும், இதர பிராணிகளுடனும்) ஒன்று சேர்க்கப்படும்போது-
وَإِذَا ٱلْبِحَارُ سُجِّرَتْ6
கடல்கள் தீ மூட்டப்படும்போது-
وَإِذَا ٱلنُّفُوسُ زُوِّجَتْ7
உயிர்கள் ஒன்றிணைக்கப்படும் போது-
وَإِذَا ٱلْمَوْءُۥدَةُ سُئِلَتْ8
உயிருடன் புதைக்கப்பட்ட பெண் (குழந்தை) வினவப்படும் போது-
بِأَىِّ ذَنۢبٍۢ قُتِلَتْ9
"எந்தக் குற்றத்திற்காக அது கொல்லப்பட்டது?" என்று-
وَإِذَا ٱلصُّحُفُ نُشِرَتْ10
பட்டோலைகள் விரிக்கப்படும் போது-
وَإِذَا ٱلسَّمَآءُ كُشِطَتْ11
வானம் அகற்றப்படும் போது-
وَإِذَا ٱلْجَحِيمُ سُعِّرَتْ12
நரகம் கொழுந்துவிட்டு எரியுமாறு செய்யப்படும் போது-
وَإِذَا ٱلْجَنَّةُ أُزْلِفَتْ13
சுவர்க்கம் சமீபமாக கொண்டு வரப்படும்போது-
عَلِمَتْ نَفْسٌۭ مَّآ أَحْضَرَتْ14
ஒவ்வோர் ஆத்மாவும், தான் கொண்டு வந்ததை அறிந்து கொள்ளும்.
فَلَآ أُقْسِمُ بِٱلْخُنَّسِ15
எனவே, பின்னே விலகிச் செல்பவை (கிரகங்களின்) மீது சத்தியமாக-
ٱلْجَوَارِ ٱلْكُنَّسِ16
முன் சென்று கொண்டிருப்பவை மறைபவை (மீதும்),
وَٱلَّيْلِ إِذَا عَسْعَسَ17
பின்வாங்கிச் செல்லும் இரவின் மீதும்,
وَٱلصُّبْحِ إِذَا تَنَفَّسَ18
மூச்சுவிட்டுக் கொண்டெழும் வைகறையின் மீதும் சத்தியமாக.
إِنَّهُۥ لَقَوْلُ رَسُولٍۢ كَرِيمٍۢ19
நிச்சயமாக (இக்குர்ஆன்) மிகவும் கண்ணியமிக்க ஒரு தூதுவர் (ஜிப்ரயீல் மூலம் வந்த) சொல்லாகும்.
ذِى قُوَّةٍ عِندَ ذِى ٱلْعَرْشِ مَكِينٍۢ20
(அவர்) சக்திமிக்கவர்; அர்ஷுக்குடையவனிடம் பெரும் பதவியுடையவர்.
مُّطَاعٍۢ ثَمَّ أَمِينٍۢ21
(வானவர் தம்) தலைவர்; அன்றியும் நம்பிக்கைக்குரியவர்.
وَمَا صَاحِبُكُم بِمَجْنُونٍۢ22
மேலும் உங்கள் தோழர் பைத்தியக்காரர் அல்லர்.
وَلَقَدْ رَءَاهُ بِٱلْأُفُقِ ٱلْمُبِينِ23
அவர் திட்டமாக அவரை (ஜிப்ரயீலை) தெளிவான அடிவானத்தில் கண்டார்.
وَمَا هُوَ عَلَى ٱلْغَيْبِ بِضَنِينٍۢ24
மேலும், அவர் மறைவான செய்திகளை கூறுவதில் உலோபித்தனம் செய்பவரல்லர்.
وَمَا هُوَ بِقَوْلِ شَيْطَٰنٍۢ رَّجِيمٍۢ25
அன்றியும், இது விரட்டப்பட்ட ஷைத்தானின் வாக்கல்ல.
فَأَيْنَ تَذْهَبُونَ26
எனவே, (நேர்வழியை விட்டும்) நீங்கள் எங்கே செல்கின்றீர்கள்?
إِنْ هُوَ إِلَّا ذِكْرٌۭ لِّلْعَٰلَمِينَ27
இது, அகிலத்தாருக்கெல்லாம் உபதேசமாகும்.
لِمَن شَآءَ مِنكُمْ أَن يَسْتَقِيمَ28
உங்களில் நின்றும் யார் நேர்வழியை விரும்புகிறாரோ, அவருக்கு (நல்லுபதேசமாகும்).
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَٰلَمِينَ29
ஆயினும், அகிலங்களுக்கெல்லாம் இறைவனாகிய அல்லாஹ் நாடினாலன்றி நீங்கள் (நல்லுபதேசம் பெற) நாடமாட்டீர்கள்.
Arabic text: Tanzil Project (tanzil.net), used under its licence with credit. Tamil translation: Jan Trust Foundation. Shared free for reading and learning. The translation gives the meaning of the Quran; it is not a replacement for the Arabic.